海上花列传

和葛仲英并坐闲谈；王莲生进去，彼此拱手就坐。莲生叫来安来吩咐道：“耐到对过姚家去看看，楼浪房间里物事阿曾齐。”来安去后，葛仲英因问道：“我今朝看见耐条子，我想，东合兴无拨啥张蕙贞（口宛）。后来相帮哚说，明朝有个张蕙贞调到对过来，阿是嗄？”朱蔼人道：“张蕙贞名字也匆曾见过歇，耐到陆里去寻出来个嗄？”莲生微笑道：“谢谢耐哚，晚歇沈小红来，（要勿）说起，阿好？”朱蔼人、葛仲英听了皆大笑。一时，来安回来禀说：“房间里才舒齐哚哉。四盏灯搭一只榻床，说是匆多歇送得去，榻床末排好，灯末也挂起来哉。”莲生又吩咐道：“耐再到祥春里去告诉俚哚。”来安答应，退出客堂，交代两个轿班道：“耐哚（要勿）走开。要走末，等我转来仔了去。”说毕出门，行至东合兴里弄口，黑暗里闪过一个人影子，挽住来安臂膊。来安看是朱蔼人的管家，...